(१) प्रधान सेनापतिको मासिक पारिश्रमिक नेपाल सरकारले तोके बमाजिम हुनेछ ।
(२) नेपाल सरकारले प्रधान सेनापतिको मासिक पारिश्रमिकबाट सयकडा दशका  दरले सञ्चयकोष कट्टा गरी सो कट्टा रकममा शत प्रतिशत थप गरी सञ्चयकोषमा जम्मा गरिदिनेछ ।
(३) काठमाडां उपत्यकाभित्र उपयुक्त घर नहुने प्रधान सेनापतिलाई आवासका लागि नेपाल सरकारको तर्फर्बाट उपयुक्त घरको वन्दोवस्त हुनेछ ।
(४) प्रधान सेनापतिलाई नेपाल सरकारको तर्पmबाट सवारी साधन उपलब्ध गराइनेछ ।
(५) प्रधान सेनापतिले सेवाबाट अवकाश प्राप्त गरेपछि नेपाली सेनाको निवृत्तभरण सम्बन्धी प्रचलित नियम अनुसार निवृत्तभरण पाउनेछ ।
(६) प्रधान सेनापतिको एकाघरसँगको परिवारलाई देहाय बमोजिमको पारिवारिक निवृत्तभरण दिइनेछ ः-
(क) प्रधान सेनापति आफ्नो पदमा छँदै मृत्यु भएमा नेपाल सरकारले तोके बमोजिमको एकमुष्ट रकम,
(ख) उपदफा (५) बमोजिम निवृत्तभरण पाउन थालेको नौ वर्ष नपुग्दै निजको मृत्यु भएमा नौ वर्ष पुग्न जति अवधि बाँकी रहन्छ
त्यति अवधिसम्म सोही बमोजिमको रकम ।
(७) उपदफा (५) र (६) मा जुनसुकै कुरा लेखिएको भए तापनि कायम मुकायम प्रधान सेनापति भई कार्यभार सम्हालेको अवधिको निवृत्तभरण वा पारिवारिक निवृत्तभरण दिइने छैन ।
(८) प्रधान सेनापतिले प्रत्येक वर्ष पूरा पारिश्रमिक सहित देहाय बमोजिमको विदा पाउनेछ ः-
(क) भैपरि आउने विदा बीस दिन,
(ख) घर विदा पैंतालीस दिन,
(ग) बिरामी विदा पन्ध्र दिन ।
(९) भैपरि आउने विदा सोही वर्ष उपयोग नभएमा अर्को वर्ष सञ्चित हुनेछैन । घर विदा अधिकतम पैतालीस दिनसम्म र बिरामी विदा सेवा अवधिभरको सञ्चित रहनेछ । प्रधान सेनापतिले अवकाश प्राप्त गर्दा सञ्चित रहेको घर विदा र बिरामी विदा बापतको रकम प्राप्त गर्नेछ ।
(१०) प्रधान सेनापतिले भैपरि आउने विदा आफै लिन सक्नेछ र घर विदा तथा बिरामी विदा रक्षामन्त्रीबाट स्वीकृत गराउनु पर्नेछ ।
(११) नेपाल सरकारले विदा भुक्तान नहुँदै प्रधान सेनापतिलाई काममा फिर्ता बोलाउन सक्नेछ ।